Götustrákurinn

Hungurmorða

2008-01-07T16:07:00.000Z

Gleðilegt ár allir, vonandi áttu allir góð áramót, ég veit að ég átti góð áramót allavega.
Eyddi þeim með stjúpforeldrunum og fleiri góðum vinum og vinkonum :)

En árið byrjaði samt ekki vel fyrir Gunnann ykkar, ég fékk streptókokka og það eina sem ég fékk að lifa á var hóstasaft og alls konar pillur.

Sem minnir óhugnanlega mikið á frétt sem ég las á mbl.is um tvær konur sem festust inní lyftu í 2 sólarhringa, sem væri svosem ekki í frásögur færandi nema það að þær höfðu ekkert að borða nema 6 stk verkjatöflur og einungis litla lögg af hóstasaft til að skola töflunum niður með. Mikið voru þær heppnar að hafa smá "mat" með sér.....

Þetta gerðist auðvitað í Bna!
Hvernig er það í Bna, eru verkjatöflur og hóstasaft álitin munaðarmatvæli eða eitthvað? Það er allavega talað um þessi lyf sem mat í fréttinni!!!
Hvernig er hægt að fá það út að verkjalyf séu matur?
Þó að ég væri fastur á eyðieyju með fullann gám að lyfjum liði mér ekkert betur... allavega hungurslega séð, lyfin gætu samt kannski hjálpað mér að gleyma mér eitthvað aðeins í leiðindunum, en ég myndi ekki borða lyf til að vera ekki með tómann maga.

En allavega, ég fann til samkenndar með amerísku ræstingakonunum og ég ætla að vona að þær séu búnar að fylla veskin sín af verkjatöflum og hóstasaft svona til öryggis ef þær skyldu nú festast aftur í lyftu... Ég ætla allavega alltaf að vera með úttroðna rassvasa af verkjatöflum ef ég skyldi festast á rauðu ljósi eða bara ef ég lendi í óþægilegum aðstæðum yfir höfuð.

Frændur okkar svíar

2007-12-13T00:46:00.000Z

Þeir sem þurfa að fara í aðgerð sem krefst þess að læknar þurfa að eiga eitthvað við óæðri endann er vinsamlegast bent á að fara EKKI til Svíþjóðar. Það var nefnilega einhver heppin kona sem þurfti að fara í aðgerð þar vergna gyllinæðar...
Það tókst nú ekki betur en svo að læknunum tókst að kveikja í endaþarmi konugreysins sem er þar af leiðandi með brunasár á (eða í) óæðri endanum... Alls konar óþægindi sem eflaust fylgja því hmm...

Þessum snillingum þarna í Svíþjóð tókst semsagt að sulla fullt af sótthreinsandi vökva yfir aftanvert konugreyið og fóru svo í það að ég veit eiginlega ekki hvað, en það involver-aði allavega rafmagnstæki sem urðu til þess að neisti komst í rassinn á konunni og til að kóróna dagsverkið var eldurinn slökktur með saltlausn....?!?!?!? Ef það kviknar í mér, viljiði pleeeease nota allt nema SALTlausn til að slökkva í mér.

Svo er wife-beat-erinn Ike Turner dáinn.. Hann átti víst merkilegan tónlistar og eiginkonuberjara feril að baki. Við syrgjum ekki solleis fólk hér ónei.

En já, annars ekki mikið að frétta, vildi bara endilega deila þessari spítalasögu með ykkur þannig að þið þarna sem voruð orðin spennt fyrir gyllinæðaraðgerð í Svíþjóð gætuð endurhugsað málið.

Ekki fyrir viðkvæma!!!

2007-12-12T15:15:00.000Z

Hefði varla trúað því að það væri stundaður svona mikill skepnuskapur í þessum heimi, en ég ætla að skilja eftir link hérna fyrir þá sem hafa geð í sér til að horfa á hvernig loðdýraiðnaðurinn er í Asíu, og kannski rétt að benda á að margir þeir sem framleiða fatnað úr loðfeld kaupa akkúrat loðfeldinn frá Asíu... Allavega ef þið viljið sjá viðbjóð horfið á þetta:

www.petatv.com/tvpopup/Prefs.asp?video=fur_farm

Held ég eigi aldrei eftir að kaupa mér loðfeld... verð bara að pimpa mig upp einhvern veginn öðruvísi...

Tabula rasa

2007-11-28T22:07:00.001Z

Í dag las ég orðið Tabula rasa.

Tabula rasa þýðir semsagt autt blað.
Það er orðið ansi langt síðan ég bloggaði síðast og það er vegna þess að ég er barasta búinn að vera tabula rasandi all over the place, ég veit ekkert hvað ég á að skrifa um eða segja!
Samt finnst mér nú samt ekki eins og ég sé einhver auð blaðsíða, ég er nú alveg örugglega eitthvað miklu merkilegra en það, ég á bara eftir að finna það út.
En semsagt, þá hef ég nú ekki frá miklu að segja, ekki það mikið búið að ganga á síðasta mánuðinn eða svo nema þá kannski helst það að ég týndist en fannst samt sem betur fer aftur.

Note to self: Ekki taka lyfin sem geðlæknirinn þinn segir þér að taka.... :p

Annars er ég bara búinn að vera veikur heima seinustu daga í tómum leiðindum, en ég ætla að koma sterkur inn í vinnunna á föstudaginn og plana og plana og plana hvað ég og þeir sem ég vinn með getum gert sniðugt um jólin... Efast samt um að ég fatti upp á nokkru þar sem að ég er autt og hvítt A4 blað um þessar mundir.

Bumbey, stúlka sem vinnur með mér segir að eitthvert gáfumennið hafi haldið því fram að við fæðingu væru allir "Tabula rasa", eða autt blað, og persónuleikinn myndi þróast með tíð, tíma, uppeldi og skammarstrikum. Ég er bara ekki sammála, ég fæddist alveg fáránlega gáfaður, og ef það var eitthvað autt blað við mig eftir að ég fæddist var það helst það að fegurð mín festist ekki á myndavélapappír. Ég held miklu frekar að maður fæðist með alveg milljón blaðsíður, og allar með fullt af upplýsingum, og svo með tíð og tíma fer maður að gleyma, held að upplýsingarnar okkar séu á svona "posanótum" þar sem blekið eyðist smátt og smátt af nótunni.

En það er alveg hugsanlegt að þetta sé allt saman að breytast, allavega man ég ekki eftir því að ég hafi verið eins og fífl nýfæddur, kúkandi í bleyju og babblandi eitthvað barnamál! En ég hef heldur ekki séð eitt einasta barn með viti síðan þá!!!

En já, ég hef svo innilega ekkert merkilegt að segja þannig að bleh bleh.

Nígeríusvindl.... Aftur!!!

2007-10-25T18:57:00.000Z

Fékk þetta stórsniðuga bréf frá einhverjum nígeríusvindlurum. Þetta er í annað sinn sem ég lendi í þessu. Er að spá í því hvort ég eigi að svara þeim og rugla aðeins í þeim á móti.

CONOIL NIGERIA
PLCSAVE OUR PLANET
/ANTI GLOBAL WARMING PROMOTIONSNOTIFICATION DEPT.CON
/NSES/FED.MINS.OF HEALTH
/ENV.NIGERIA.REF: GL/FDNS/

07The Conoil Petroleum Company of Nigeria Plc In conjunction with The Nigerian Society For Environmental Safety (NSES), the Federal Ministry Of Health and Environment Of the Federal Republic Of Nigeria,the Society for Anti-Global Warming and climatic Change, the World Health Organization (WHO), UNICEF, UNESCO, the African Union,ECOWAS, wishes to announce to you that you have been selected as one of four lucky winners in our inaugural Save our Planet/ anti global warming and climatic break down international awareness promotions of $1,000,000.00 (ONE MILLION UNITED STATE DOLLARS ONLY).This is in promotions of the fight against global warming, green house effect and climatic breakdown and to create international awareness of this threat and three lucky winners have been randomly selected among all our affiliates websites and email clients around the world that conform to the WHO (World Health Organization) anti global warming standards of Climatic and Environmental Protections Acts.Thus your profile has been selected from has been randomly selected from this website which is one of our Affiliate websites and you are a winner of $1,000,000 USD (ONE MILLION UNITED STATE DOLLARS ONLY).

The Conoil Petroleum Company of Nigeria Plc also with the Federal Ministry Of Health of the Federal Republic Of Nigeria and the other collaboratory bodies, is taking this innovative stance to combat the serious threat of Global warming and climatic breakdown in our Planet today and this is to inform you that your profile id in this website has been selected as one of the lucky winners in this years inaugural promotions of a Total cash payments of $1,000,000 USD (ONE MILLION UNITED STATES DOLLARS ONLY).

The Conoil Petroleum Company of Nigeria Plc. is one of the fastest growing Oil Company in Nigeria and is doing everything possible to reduce the Climatic Breakdown due to Oil Exploration and Mining.This Inaugural promotions shall be held annually to support the fight against global warming and climatic degradation in our planet.Please contact your payment agent James Ilori via His email address; jamesilori01@gmail.com with the following informations about yourself:Your Full Name:Address:Nationality:Sex:Tel:OccupationDate Of Birth:Security Code: A/TJD/GW/07Agent Name: James IloriContact Email: jamesilori01@gmail.com

You are advised to do so now to avoid late processing of your winnings as winners who do not contact their payment agent after 30 days of first announcement/Notification shall have their winning prize automatically transfered to next years promotions.Congratulations Once More!Save Our Planet!P.S.

It is also in your interest to keep this notification highly confidential to avoid double claims of your winnings and unwarranted abuse of this program

Your Sincerely,Dr. Chika
OnuPublic Relations DepartmentConoil Pet. Com.
Nig. Plc.Save our Planet/Fight Against Global Warming.Con/NSES/Federal Ministry Of Health/Environment.Nigeria.

Voðalega eru þessir nígeríumenn bjartsýnir að halda að ég falli fyrir þessu rugli. Magnað líka hvað þeir eru harðir á því að ég haldi þessu leyndu...
Ef ég nenni að rugla eitthvað í þeim skelli ég því hérna á bloggið.

Ekki sama Jón og Séra Jón

2007-10-20T13:25:00.000Z

Í dag þykir fátt eins dannað og fínt eins og að banna sígarettureykingar hvar sem til sígarettureykingamanna næst. Ég reyki ekki þannig að þetta er ekkert að angra mig neitt sérstaklega. Núna er STJÓRN LSH búin að ákveða að reykingar skjólstæðinga á mínum vinnustað verði bannaðar frá og með næstu áramótum. Reyndar var starfsfólki sem reykt hafði í áratugi bannað að reykja í vinnutíma frá og með seinustu áramótum.

Það er gott að stjórnendum stofnunarinnar þykir svona vænt um mig, vinnufélaga mína og skjólstæðinga sína.

En þetta bann hefði náttúrulega aldrei orðið nema vegna þess að hið háttsetta löggjafarvald sem situr á þingi hefur í mörg mörg ár haft horn í síðu reykingamanna og reynt að svæla þá með lögum úr öllum skúmaskotum sem hægt er að finna. Alveg magnað að eftir allar þessar pólitísku ofsóknir á hendur reykingafólki skuli svo ennþá finnast reykingaherbergi í Alþingishúsinu!

Hvað er eiginlega með þessi fífl á þingi, þeir berjast gegn því með öllum ráðum að almenningur fái að reykja í friði en geta svo vogað sér að vera með eitthvað "Posh" smók herbergi í opinberustu byggingu landsins. Nú er svo komið að andlega veikt fólk sem leggst inn á spítala í veikindum sínum má ekki reykja meðan á innlögn á spítalann stendur eftir áramót. En hins vegar mega okkar háttvirtu þingmenn svæla úr sér lungun á milli þess sem þeir finna fleiri staði til að banna reykingar á.

Það ætti að setja þessa þingmenn sem reykja í þessu reykherbergi sínu í gapastokka á austurvelli og láta reykingamenn púa sígarettureyk framan í þá þangað til þeir verða svo veikir að þeir þurfi að leggjast inn á spítala og finni það first-hand hvernig það er að mega ekki reykja hvar sem þeim sýnist!!!

Snilligáfa....

2007-09-27T20:57:00.000Z

Já, það er orðið ansi langt síðan ég bloggaði síðast. Hef reyndar smá afsökun fyrir síðustu vikuna vegna þess að netið heima tók upp á því að bila... Þetta er reyndar engin almennileg afsökun, ég er nefnilega núna í vinnunni að blogga, hefði alveg getað gert það fyrr.

Það er samt ekki búið að vera mikið um að vera undanfarið nema bara það að ef maður byggi utanhúss væri frosið undan manni.

Já, haustið er komið og veturinn er alveg að skella á, ég sver það í heilanum mínum!!!

En allavega, þá fékk ég nafnlaust sms um daginn þar sem stóð: "Í dag er heill mánuður síðan þú bloggaðir síðast.... kv. leynilegur aðdáandi snilligáfu þinnar"

Já, þarna hafðið það, ÉG er með sniligáfu, ég vissi það reyndar alltaf en ég hef alltaf reynt að fela hana á bakvið kjánalæti. Greinilegt að það virkar ekki lengur, fólk er farið að sjá í gegnum mig og sér ekki lengur bara ótrúlega fallegann mann með kjánalæti, heldur alveg ótrúlega fallegann mann með snillgáfu.

Núna get ég hætt að vera með kjánalæti og byrjað að tala um gáfulega hluti í gríð og erg. Ekki láta ykkur bregða ef ég hitti ykkur þó að ég byrji að tala um Dow Jones iðnaðarvísitöluna og það hvað íslenska krónan er búin að styrkjast eða lækka þann daginn.

Ok, hef ekkert að segja, bæbæ

Ostaskerar...

2007-08-17T13:37:00.000Z

Inn á www.mbl.is í dag var talað um kanadískan landsliðsmarkmann sem lenti í heldur óvenjulegu óhappi. Hann semsagt lenti í því að sneiða ofan af þumalputtanum sínum með ostaskera! Þegar ég las fréttina hugsaði ég fyrst með mér hvörslags fífl þetta hlyti að vera... En svo varð mér litið á þumalputtann á vinstri hendinni minni. Þar ber ég semsagt ör eftir samskonar slys! Ég er semsagt líka svona mikið fífl.

Þetta er án efa það klaufalegasta og asnalegasta slys sem ég hef lent í, ég held ég hafi verið í tíunda bekk þegar þetta gerðist, var nývaknaður og að búa til ostasamlokur sem ég ætlaði að setja í samlokugrillið. Og þegar maður er nývaknaður er maður ekkert mikið að hugsa, svo vil ég meina að osturinn hafi ekki verið upp á sitt besta, ostaskerinn átti eitthvað voðalega erfitt með að skera ostinn. En ég var semsagt að skera ostinn með ostaskeranum nema bara það að ostaskerinn stóð eiginlega bara fastur í þannig að ég rykkti í hann og það virkaði svo vel að ég gat skorið ostinn en um leið tókst mér að skera stykki af þumlinum! Mjög svo klaufalegt, og ekkert smá neyðarlegt að þurfa að fara til læknis til að láta sauma puttann saman.

Vonandi lærið þið eitthvað af þessari sögu þannig að þið þurfið ekki að lenda í þessu... ég hef nefnilega kynnst þremur manneskum sem hafa lent í þessu sama síðan þetta kom fyrir mig.

Kv. Gunni forvarnarfulltrúi :p

Gamall Kall

2007-08-10T23:34:00.000Z

Þá er ég "loksins" orðinn gamall kall!
Ungur í hjarta, en samt sem áður gamall kall!
Átti 27 ára afmæli í gær, TUTTUGU OG SJÖ ÁRA gamall kall!!!
Ég verð að viðurkenna að mér líst ekkert á blikuna.
Bringuhárin fara ábyggilega að grána og bráðum verð ég kallaður
Gamli Grái eða eitthvað þaðan af skemmtilegra.

Gerði nú reyndar ekkert mikið í tilefni dagsins nema að horfa í spegil og kveðja unglinginn hann sjálfan mig. Spurning um að fara að spara til mögru áranna, þegar ég verð svo settur inn á elliheimili á ég einhvern pening eftir til að múta starfsfólki stofnunarinnar sem ég verð settur á til að hugsa betur um mig en hina...
Því ég er, jú, svo rosalega sérstakur, svona líka frábær og æðislegur,
og ekki einu sinni ellikelling getur skemmt það fyrir mér, eða kannski getur hún það! Held að það væri samt bara verst fyrir alla hina sem hingað til hafa fengið að njóta góðs af skemmtilegheitunum í mér..... Eða kannski hætti ég að vera hress og verð bara elliær og skemmti engum nema sjálfum mér... Nema auðvitað að ég hafi bara alltaf verið að skemmta BARA sjálfum mér.

Ég efast samt um það, mér finnst ég sjaldan hafa verið jafn skemmtilegur og núna og ég er náttúrulega með svo rosalega gott innsæi og svo hef ég líka alltaf rétt fyrir mér.

Ég vona bara að ég endi ekki sem gamall kall á egótrippi.............

Skrýtinn fréttaflutningur...

2007-07-21T03:36:00.000Z

Halló Hæ!!!

Það er nú ekki búið að vera mikið um að vera hjá mér undanfarið, mest af tíma mínum hefur farið í annaðhvort vinnu eða afslöppun í sólinni sem er búin að vera óvenjumikið á ferðinni þetta sumarið.

En svo við færum okkur aðeins yfir í það sem er að gerast í þjóðfélaginu þá verð ég bara að benda á eina alveg ótrúlega furðulega frétt sem ég var að lesa á einhverri fréttasíðunni. En fyrirsögnin var eitthvað á þessa leið "Þrjár 17 ára stúlkur ætla að vera einar fyrir utan Nexus í nótt til að tryggja sér eintak af Harry Potter"... Þetta var einhvern veginn svona, man það ekki alveg, en málið er það að hverjum dettur í hug að auglýsa það að þrjár 17 ára stelpur ætli að eyða nóttinni einar utandyra?
Það vantaði bara að lýsa nærfötunum sem þær voru í... Svona til að tryggja að allir perrar á landinu myndu örugglega láta sjá sig! Lærðu menn ekkert af kompás?

Svo er það þetta með þetta hundgrey á akureyri. Talandi um múgsefjun... Einhver gæi sakaður um að hafa farið í fótbolta með eitthvað lítið hundgrey, svo kom í ljós að það var líklega allt saman vitleysa... Og gæinn sem var sakaður um þetta er búinn að vera snöktandi heima hjá foreldrum sínum alveg síðan þetta gerðist af ótta við hefndaraðgerðir. Alveg magnað hvað fólk getur orðið móðursjúkt í því að saka einhvern um eitthvað svona án þess að það sé nokkuð til í því.

Annars er bara allt rólegt hjá mér... Var bara heima í kvöld að sötra smá öl og spjalla við hina og þessa um hitt og þetta... Ætla ekkert að fara að slúðra neitt meira um það :p

Við skulum annars bara fara að vona að þessi gúrkutíð hætti og ég geti farið að skrifa um eitthvað af viti... eins og til dæmis mig!

Þangað til þá, bæbæ

Aftur í vinnunni

2007-07-05T16:38:00.000Z

Hið langþráða sumarfrí gat nú ekki ekki varað að eilífu þó að ég muni gera það...
Ekkert smá gott að komast í sumarfrí samt, og svo á ég reyndar eftir rúmar tvær vikur sem ég ætla að nota í lok júlí og fram á miðjan ágústmánuðinn. Fór þar seinustu helgi á smá djamm með fólkinu í vinnunni minni, en HALLÓ HÆ... Ég er næstum því heilbrigður á við suma... eða ekki. Ég lifi auðvitað í blekkingu. En ég verð að viðurkenna að ég er farinn að bíða spenntur eftir næsta vinnudjammi.

Ég er búinn að komast að því að það er óhollt að vinna í minni vinnu, það kom glögglega í ljós þegar ég fór í sumarfríið og aukakílóin fóru að hrynja af mér. Ég spái því að þau verði öll komin aftur innan tíðar... Sem er reyndar eins gott vegna þess að það elska mig svo margir að það getur orðið erfitt að skipta mér á milli ef ég er einhver horrengla.

Fór svo vestur á Hellissand um helgina með lilla bró að hjálpa pápa að sparsla, pússa og mála sumarhúsið sem ma&pa voru að kaupa sér. Heilmikið púl en mjög gaman samt. Svo er nú ekki mikið annað að frétta, átti að vera í fríi um helgina en ákvað að taka aukavaktir.

Annars snúast áhyggjur mína þessa daganna helst um það hvort að Bjössi og Eva fatti að ég er búinn að selja öll rafmagnstæki sem þau áttu á meðan ég var að passa íbúðina þeirra (en þið sem vissuð ekki af því þá stungu þau mig af til útlanda). Ég náði samt að kaupa ódýrar eftirlíkingar af þeirra tækjum Þannig að þetta verður alveg í lagi svo lengi sem það kvikni ekki í þessu, enda eru flatskjáir úr pappa ekki mjög öruggir....

Allavega, ekkert að frétta, bara að sinna bloggskyldunni, Bæbæ :)

Langþráða sumarfríið

2007-06-14T23:26:00.000Z

Jæja, þá er fyrsta vikan af sumarfríinu að klárast, verð að viðurkenna að ég kann ekki að vera í sumarfríi, mér finnst alltaf eins og ég eigi að mæta í vinnunna "á morgun" eða "á eftir".
Missti mig gjörsamlega í tilgangsleysinu í upphafi vikunnar og sló garðinn, svo ryksugaði ég húsið og svo skúraði ég gólfin og svo bakaði ég pönnukökur og skúraði svo aftur gólfin vegna þess að ég sóðaði svo mikið út í pönnukökubakstrinum.

Næst þegar ég fer í suamrfrí ætla ég að vera viðbúinn með einhverja "aðgerðaáætlun", eitthvað annað en að sinna garðverkum eða húsverkum. Kannski verð ég búinn að undirbúa mig með hálfs-árs fyrirvara og byrgja mig upp af áfengi og svo get ég bara legið heima í baði og drukkið mig útúr-ölvaðan. Eða ekki. Það er alveg ágætt að sinna svona venjulegum verkum af og til, engir skjólstæðingar að úthúða mér eða eitthvað svoleiðis. bara ég og sláttuvélin... færi mér samt betur að vera með stóra keðjusög...

Allavega, ef einhver er í fríi og vill leika má hann hafa samband... eða hún...

Hún á afmæli í dag.....

2007-06-11T15:15:00.000Z

Til hamingju með ammlið Dísa "fitubolla" :p Hafðu það gott á sjálfan ammlisdaginn þinn :)

En að öðrum málum, kona á níræðisaldri fannst drukknuð í heimasundlaug út á landi og núna er local lögreglan að RANNSAKA málið. Sko, ég er ekki að gera grín að greyið konunni og myndi aldrei gera það, þetta er eflaust mjög leiðinlegt fyrir ættingjanna, en come on, getur ekki verið að konan hafi bara verið orðin gömul og drukknað fyrir slysni, af hverju er verið að slá þessu upp eins og glæp? Ungt fólk hefur fundist drukknað í sundlaugum án þess að þar hafi verið á ferðinni glæpur! Ef ég myndi lifa það að vera á níræðisaldri myndi ég ekki fara í sund nema vera með kút!

Sumarfrí !!!

2007-06-09T14:47:00.000Z

Það var undarlegt ástand í vinnunni í gær, tár á hvörmum allra stúlknanna sem eru að vinna með mér og ég er ekki frá því að ég hafi heyrt ekkahljóð í strákunum líka.
Ástæðan: ég var að fara í sumarfrí! Ég fékk næstum samviskubit yfir því að vera að yfirgefa vinnufélaga mína á svona grimmilegan hátt... En sumarfríið mitt er bara einn af þessum hlutum sem verða að gerast, og ég vona að stúlkurnar á deildinni minni geti þolað að missa mig í nokkrar vikur. Ætli ég verði samt ekki að kíkja við svona reglulega til að minna alla á að lífið er ekki vonlaust og leiðinlegt. Svona er ég nú alltaf góður og hugulsamur í mér, og eins og stelpurnar í minni vinnu vita þá er hógværðin mín minn mesti og besti kostur, og þeir eru ekki fáir kostirnir skal ég segja ykkur.

En hvað um það, ég er farinn í sumarfrí :D

Allt þetta afmælislið!

2007-06-07T00:37:00.000Z

Magnað hvað allt fólk þarf að eiga afmæli þessa daganna, enginn búinn að eiga afmæli undanfarið og ekkert búið að vera gerast... nema kleppsafmælið... nema toppmannsafmælið og nema eitthvað meira sem ég man ekki alveg, en núna á ég að finna tíma til að fara í 6 afmæli á fjórum kvöldum. Það er eins og ég hafi skynjað þessa afmælishrinu fyrr á árinu þegar ég skráði niður hvenær ég vildi fara í sumarfrí, en ég gleymdi að sama skapi að spara fyrir öllum þessum afmælisgjöfum þannig að þið sem eigið afmæli megið bara sætta ykkur við loft úr lungunum mínum... og smá svitalykt af mér ef þið eruð heppin :p

En allavega, Ofvirka sjúkraliða-konan átti afmæli í gær 06.06 þannig að til hamingju með það Elsku ofvirka sjúkraliðakona :D Og í dag 07.06 á Ingi Sævar góðvinur minn stórafmæli, hann er kominn á löggiltan þynnkualdur. Til hamingju með að vera loksins orðinn "þynnkufær".

Ég man nefnilega þegar ég var yngri en 25 ára þá var ég alltaf voða glaður og hreykinn af því að geta drukkið eins og svín en litið út eins og nýsleginn túskildingur daginn eftir og algerlega laus við þynnku, en fróðir menn sem voru orðnir eldri en 25 ára sögðu mér að daginn sem ég yrði 25 ára myndi ég hætta að geta drukkið og djammað án afleiðinga. Og það stóðst svo sannarlega, Þetta voru skelfileg tímamót, en að sama skapi held ég að þau hafi haft góð áhrif á lifrina mína þar sem ég gafst fljótlega upp á að djamma fleiri en eitt kvöld í viku.

En hvaða bjánaskapur er það hjá þeim sem fann upp á þynnkunni að láta hana byrja þegar maður kann loksins eitthvað smá í drykkju, loksins þegar maður er að skríða upp úr unglingadrykkjunni verður maður þunnur. Mér finnst þetta virkilega ósanngjarnt, held þetta hefði meira forvarnarlegt gildi ef þrettán ára krakkar gætu ekki mætt í skólann vikum saman eftir eitt fyllerí. Af hverju að vera leggja þetta á herðarnar á fullorðnu fólki sem þarf að hugsa um að borga reikninga og jafnvel að ala upp sí-öskrandi krakkaorma?

En hvað um það, þið sem eigið afmæli þessa daganna: Til hamingju með ammlið :)

Hvað skal segja?

2007-05-25T20:00:00.000Z

Það er ekki mikið búið að vera að gerast undanfarið og alltaf þegar mér hefur dottið eitthvað sniðugt í hug til að blogga um hef ég verið fjarri tölvu þannig að greyið þið verðið bara að missa af öllu því skemmtilega sem hefur verið í gangi í hausnum mínum. En hver veit nema það gerist eitthvað skemmtilegt á morgun, á morgun ætla ég nefnilega að fara á árshátið/afmæli klepps/vorfagnað... Kleppur er 100 ára gamall og ég ætla að halda upp á það með öllu frábæra fólkinu sem er að vinna með mér.... nema fýlupúkunum sem ætla ekki að mæta, en það er þeirra missir.

Enn einu sinni er ég búinn að sverja að ég ætli að vera edrú á þessum fagnaði en ég efast stórlega um það sjálfur að ég standi við það, ég er nefnilega að vinna með fólki sem trúir á áfengi og geðlyf.... geðlyfin eru samt mest fyrir sjúklingana við hin sem "vinnum" á kleppi drekkum áfengi í staðinn.

Það líður varla sú vika að ekki komi upp eitthvað hneykslanlegt á netinu, í síðustu viku var það dóp á netinu en núna er það bara "old news" og í dag þykir einhverjum netperrum móðins að fara í sýndarveruleika-nauðgunarleik. Hvað er málið, ok, það eru til nauðgarar en come-on, eru núna bólugrafnir tölvunördar farnir að vilja nauðga á netinu? Kannski tengist þetta allt dópinu sem þeir fá á netinu. Þetta er semsagt skaðsemi fíkniefna, fyrst downloada perrarnir dópi af netinu, "hlusta" svo á það og fara svo að nauðga í þykjustunni af því að allt dópið er farið að gera þá siðlausa. Bráðum verða handrukkanir daglegur hluti af internet lífinu, ég sel það ekki dýrara en ég keypti það en það er víst verið að selja einhverja hljóð-dóp-file-a á 200$. Hvaða fífl kaupir dóp á netinu fyrir 200$ (12500 kall) þegar hann getur keypt það ódýrara í portinu við aðal-lögreglustöðina? Þið getið athugað sjálf hvað dóp á íslandi kostar á þessari síðu sem SÁÁ heldur uppi.

http://www.saa.is/Default.asp?Sid_Id=9553&tre_rod=001|001|001|&amp;tId=2&FRE_ID=38093&Meira=1

Þarna sjáið þið það krakkar mínir að það er ódýrara að kaupa dóp úti á götu heldur en að niðurhala því af netinu, auðvitað getur fólk down-load-að dópi frítt af einhverjum síðum, en net-dópistar eru ekki þekktir fyrir að brjóta lögin þegar þeir reyna að næla sér í "internet-dóp".
Nei, internetdópistar eru harðduglegt fólk sem stundar vinnu og verður dópað á löglegan hátt með aðstoð mp-3 spilarans síns í labbitúr í Elliðardal, og borgar svo fyrir alla dópneysluna með Visa-rað.

Annars ekki mikið að segja frá nema það að sumarið er að bresta á og ég er meira viss en nokkurn tímann áður að ég er fullkomnun mannkynsins. Hvert sem ég fer mæti ég með yl og hlýju inn í líf allra sem á vegi mínum verða, og ekki má gleyma því hversu mikil sjónræn veisla ég er. En gott fólk, þið megið samt ekki gleyma því að þrátt fyrir að útlitið sé svona fallegt þá er ég líka frábær manneskja.... á einhvern undarlegan hátt allavega.

Ok, hef EKKERT merkilegt að segja greinilega þannig að bæ.

Allir í vímu?!?!?

2007-05-18T23:38:00.000Z

Jæja, þeir sem sáu fréttirnar í kvöld tóku eflaust eftir því að núna geta ungmennin (sem og allir hinir) halað niður vímuefnum á netinu. Semsagt einhver hátíðnihljóð og suð af ýmsum gerðum sem veldur einhverskonar vímutilfinningum, það er hægt að downloada kókaín vímu, hassvímu, áfengisvímu, e-töfluvímu og ýmsu meiru. Alveg magnað hvað fólki dettur í hug. En þetta á víst að virka eitthvað smá þannig að það er spurning hvort maður mæti nokkuð meira í vinnu á þessu ári, ég verð bara stoned heima í boði internetsins eða eikkað. Núna er bara að draga gardínurnar fyrir glugganna og njóta þess að vera löglega dópaður... eða hvað. Þetta er ekkert spennandi núna þegar þetta er ekki ólöglegt. Hvers vegna í ósköpunum ætti ég að vera vímaður þegar það er enginn til að banna mér það eða skamma mig.

Ég ætla bara að fara að horfa á Sjónvarpið og reyna að gleyma þessari vitleysu..... sjá kannski til í kvöld.... :p

Allt óbreytt og dirty hestamenn...

2007-05-13T15:01:00.000Z

Jæja, íslendingar eru búnir að kjósa sömu ríkisstjórnina til valda. Mér er alveg sama hvaða flokkur það er, mér finnst bara ekki eðlilegt að sami/sömu flokkar stjórni landinu of lengi, þeir sem stjórna landinu of lengi fyllast nefnilega oft hroka og finnst bara sjálfsagt að þeir fái að ráða öllu og finnst í rauninni að gamla fólkið og öryrkjarnir megi bara eiga sig og þakka fyrir ölmusuna. Verð samt að viðurkenna að ég ber miklu meira traust til forsætisráðherrans sem er nú við völd en til Davíðs Oddssonar, ég myndi ekki treysta þeim manni fyrir barninu mínu (ef ég ætti barn).

Fór á smá fyllerí í gær og í rauninni ekkert nema gott um það að segja, nema það að hestamenn eru búnir að vera með eitthvað mót í víðidalnum og það heyrist allt sem sagt er í hátalarkerfinu inn í herbergi til mín (ef glugginn er opinnn). Og í morgun vaknaði ég við eikkað hestatal og svo heyri ég konuna sem er að blaðara í hátalaranum segja "Þeir þurfa að ríða bráðabana". Þetta er sjúkt, ÞEIR, semsagt fleiri en einn, eiga að ríða einhverjum sem er kallaður bráðabani, hver er bráðabani? Er það slátrarinn eða... eða... eða.... Ég veit það ekki, ég ætla bara að reyna að gleyma þessu og halda mig fjarri þessum perrum sem ganga um í þröngum buxum og dömulegum stígvélum.

Annars hef ég ekkert mikið að segja þannig að bæbæ

Hvað segið þið þá?

2007-05-09T23:19:00.000Z

"Í grein, sem tveir bandarískir læknar hafa skrifað í læknatímaritið Lancet, segir að reykingamenn sem leiti hættuminni leiða til að svala nikótínþörf sinni ættu að nota sænskt neftóbak, svonefnt snús, en mun minni hætta sé á að fá krabbamein af slíkri tóbaksnotkun en reykingum.

Í greininni, sem birtist í kvöld á vef tímaritsins, segir rannsóknir sýni, að 10 sinnum meiri líkur sé á að reykingamenn fái lungnakrabba en fólk sem notar snús. Þessar niðurstöður gætu leitt til þess að þjóðir endurskoði bann við notkun snús en þetta tóbak er t.d. bannað í öllum ríkjum Evrópusambandsins, nema Svíþjóð, og einnig hér á landi en eina neftóbakið, sem leyft er að nota, er það sem ÁTVR framleiðir. Notkun snús er hins vegar leyfð í Bandaríkjunum.

„Við ættum ekki að hika við að leyfa snús að keppa við sígarettur um markaðshlutdeild," segir í grein þeirra Jonathans Foulds og Lynn Kozlowski hjá læknaháskólanum í New Jersey. „Bann eða andstaða við snús í umhverfi þar sem sígarettureykingar eru úrbreiddar, er ekki skynsamleg heilbrigðisstefna.

Læknarnir fóru yfir niðurstöður tveggja rannsókna. Í annarri var fylgst með 280 þúsund Svíum á 20 ára tímabili og í hinni var reynt að leggja mat á áhrif þess ef snús yrði leyft í Ástralíu.

Snús er ekki hættulaust og að minnsta kosti 30 krabbameinsvaldandi efni finnast í því. Árið 2004 staðfesti Evrópudómstóllinn sölubann á snús á þeirri forsendu að neysla þess væri óumdeilanlega skaðleg. Hins vegar benda rannsóknirnar tvær til þess, að þetta tóbak sé ekki eins skaðlegt og áður var talið og alls ekki eins skaðlegt og reyktóbak."

Þetta hef ég alltaf sagt þegar fólk hefur verið að skammast í mér fyrir að nota snus... Ég var í rauninni bara að fullnægja nikótínþörf minni á tiltölulega öruggan hátt. Skemmtilegt hvernig þeir skrifa snus "snÚs"... En hvað um það. Heimurinn er greinilega að batna og áður en við vitum, verða allir sem eru eitthvað farnir að troða út varirnar á sér af snusi í staðinn fyrir kollagen og botox. Þjóðin mun standa á hafnarbakkanum veifandi íslenska og sænska fánanum í bland þegar flutningaskip troðfullt af sænsku, yndislegu, angandi og síðast en ekki síst löglegu munntóbaki siglir í örugga höfn. litlu börnin í leiksskólanum borða nú snus en ekki sand á meðan fóstrurnar brosa bara í kampinn í nikótínvímu. Þvílík gleði... Fólkið sem var áður svo fúlt vegna þess að það fær ekki nógu margar reykpásur brosir sínu blíðasta snus brosi.

Ég lifi í yndislegri draumaveröld. Vonandi verður þessi draumur að veruleika.

My celebrity mom and the crazy germans....

2007-04-30T13:23:00.002Z

Jæja, nú er það komið í ljós að hin móðir mín, hún Eva, er hönnunar snillingur (vissi það reyndar alltaf). Á laugardaginn fór ég í smáralind þar sem að hún tók þátt í úrslitum hönnunarkeppni Hagkaupa og haldiði að stelpan hafi ekki lent í öðru sæti!!! Til hamingju með það Eva mín ;)
Við fögnuðum auðvitað vel á laugardagskvöldið og tók ég upp á því að vera fulli kallinn, semsagt, mjög gaman :D

Rak augun í þessa skemmtilegu og mjög svo upplýsandi grein á mbl.is:

"Ný rannsókn bendir til þess, að fólk sem var uppi á steinöld hafi lifað fjörugu kynlífi. Breskur fornleifafræðingur segir að fólk á þessum tíma hafi stundað hópkynlíf, haldið kynlífsþræla og notað kynlífsleikföng. Þá séu einnig vísbendingar um klæðskiptinga."

Fornleifafræðingar hafa semsagt fundið styttur í hellum sem þeir segja að sýni fram á þennan "saurlifnað". Og hvar haldið þið að þessi hellir hafi verið? Munið það að við erum að tala um hópkynlíf og kynlífsþræla! Jú jú, semsagt, þessi hellir fannst auðvitað í Þýskalandi, hvar annars staðar en í þýskalandi gæti svona hafa gerst á steinöld?!? Og hugsið ykkur, eftir milljón ár þegar maðurinn er útdauður og nýr kynstofn tekinn yfir hugsið ykkur subbuskapinn sem myndi finnast í fornleifauppgröftum þar sem núna er þýskaland... við erum að tala um endalaust sóðalegt dót sko. Og þá á sá kynstofn, kannski háþróaðir selir eða eitthvað eftir að halda að ALLIR menn (konur eru líka menn) hafi verið perrar og haft gaman af hardcore þýsku kynlífi og kúkaklámi.

Það er greinilegt að það verður að stöðva þjóðverjanna og eyða öllum ummerkjum um kúkaklám til að koma í veg fyrir að næsti ráðandi kynstofn haldi að allir menn hafi verið perrar. Ég meina, kannski verða beinagrindurnar okkar grafnar upp og settar á safn og svo verður texti sem segir kannski "Þessi maður/kona lifði á tímum blablabla og stundaði að líkindum gróft kúkakynlíf" Og það verður allt þjóðverjum að kenna að ég eða ÞÚ verðum sakaðir/sökuð um svoleiðis.

Allavega, nenni ekki að bulla meira. Bleh bleh..

Betra seint en aldrei

2007-04-25T01:43:00.000Z

Alveg magnað hvað ég er latur við að blogga. Samt svosem ekki mikið að segja frá, undanfarið búinn að njóta lífsins á Kleppi... Þess á milli hef ég gefið mér tíma til að aðstoða Evu og Bjössa við að rífa niður veggi og sparsla, pússa og mála, og þau kunna sko á strákinn, þau gefa mér bara bjór og láta mig hafa viðeigandi verkfæri og sleppa mér bara lausum, og þó ég hafi lamið gat í vegg þar sem ekki átti að vera gat var það ekkert sem var ekki hægt að sparsla upp í!!! Og núna þegar það er allt tilbúið ligg ég bara í lausu lofti og veit ekkert hvað á að gera af mér... Nema auðvitað mæta í vinnunna.

Og þegar maður er á lausu og flestar stúlkurnar sem ég vinn með eru líka á lausu, er lítið gert annað en að daðra, daðra daginn inn og út, inn og út, inn og út... Nei segi svona, ég er alveg rosalega alvarlegur í vinnunni, mér stekkur ekki bros á vör og set gáfulega svipinn upp við sem flest tækifæri. Það er alveg satt og eins og ofvirka sjúkraliðakonan segir að allt sem hún segir er satt og rétt þá er allt sem ég segi líka alltaf satt og rétt... eða allavega haganlega breytt í mína þágu á sem trúverðugastan hátt í hvert og eitt skipti.

Svo var ég að lesa á MBL.IS að löggan ætli næstu þrjá daga að vera með lögreglubíla með blikkandi ljós á einhverjum þremur gatnamótum í borginni til þess að... til þess að... ég veit ekki til hvers!?! Til hvers í ósköpunum eru þeir að gera þetta? Hafandi bílanna í gangi til þess eins að flagga einhverjum bláum ljósum, voðalegir töffarar eru þetta. Þeir ættu að finna eitthvað betra við tímann að gera, eins og til dæmis að drepa á lögreglubílunum og fara að gróðursetja tré til að koma til móts við alla mengunina sem þeir sleppa með því að hafa bílana kyrrstæða í gangi á meðan þeir sitja fyrir grunlausum bílstjórum til þess eins að sekta og gefa punkta.

Annars hef ég ekki miklar áhyggjur af mengun. Ef allt sem vísindamenn segja um að allt sé að fara til fjandans held ég að það sé ekki hægt að gera mikið nema læra að lifa með því... og kannski heimsækja Amsterdam áður en þar verður ekkert nema saltur sjór.

Bleh... Hef ekkert meira að segja, þannig að bless bless!

Losing my mind appearantly...

2007-03-31T00:45:00.000Z

Hafði ekkert að gera í kvöld þannig að ég fór út í myrkrið á áðan og þreif undurfögru sjálfrennireiðina mína, kemur í ljós í dagsbirtunni á morgun hvernig mér gekk. Það er greinilegtað ég er að verða skrýtnari og skrýtnari með hverri helginni sem líður...

Full norn og þrælabarn Evu og Bjössa :p

2007-03-30T19:14:00.000Z

Halló hæ

Smá "bloggstífla" búin að vera að hrjá mig
Eva, ég lofa að borga bloggsektina þegar tunglið er búið að fara einn og hálfan sólhring umhverfis sjálft sig á rauntíma jarðar...
Ekki búinn að gera mikið af mér undanfarið ef frá er talið grímuballið sem var haldið á vegum vinnunnar minnar seinustu helgi, en þar fór ég á kostum sem pöddufulla nornin...
Er loksins kominn í smá helgarfrí en nenni samt varla að gera neitt. En þar sem Eva og Bjössi eru búin að fá íbúðina sína afhenta getur verið að ég verði látinn vinna við að hjálpa þeim að bera hluti og hlaupa á veggi til að brjóta þá niður um helgina.
Eva og Bjössi TIL HAMINGJU með nýja pleisið :)
Eins gott að ég fái eigið herbergi en ekki bara sófa eins og á gamla staðnum :p

Annars er nú ekki mikið að gerast í íslensku þjóðlífi þessar stundirnar. Dorrit er bara alltaf að slasa sig á skíðum... það er góður kostur að fatta þegar maður er lélegur í einhverju til að maður geti hætt því. En það eina sem Dorrit er klár í er greinilega að eiga peninga og forseta.

Svo eru voða spennandi kosningar í vor... En ég er hættur að nenna að pæla nokkuð í stjórnmálum þar sem að það skiptir ekki máli það sem ég vil. Það eru alltaf hinir sem fá það sem þeir vilja, og því miður er það alltaf eitthvað öfga fasískt. Eini ráðherrann sem fær einhvern pening er Björn dómsmálaráðherra, en hann heldur úti her manna bara til að reyna að grípa mig á sléttu hjólbörðunum mínum, verst að það er að koma sumar, hvað gerir löggan þá???

Allavega, þið getið ekki sagt núna að ég hafi ekkert bloggað í mars ;p

Góðar stundir!

Netlöggan !!!

2007-02-26T00:37:00.000Z

Var að lesa á einhverjum fréttamiðli að Steingrímur J Sigfússon... kallinn í vinstri grænum vill notast við internetlöggur... Hvað er kallinn að pæla, er hann að meina það að þegar ég "villist" inn á einhverjar ljósbláar síður komi gella í þröngum latex-löggubúning heim til mín að refsa mér eða fæ ég bara regular-size löggu heim til mín sem maze-ar mig bara. Ég vil vita meira!

Veislan...

2007-02-24T17:00:00.000Z

Það verður ekki skafið af stúlkunum sem vinna með mér, þær sinna starfi sínu vel. ég mætti á áðan í vinnunna og þar biðu mín ótal gerðir af alls konar kökum. Stelpunum hafði greinilega runnið blóðið til skyldunnar og vildu greinilega gera allt til að gera dvöl mína hér í vinnunni sem ánægjulegasta. Takk Erna og Elín fyrir veisluna sem var fyrir mig þó að "óþægilegar" raddir vilji meina að þetta hafi verið allt verið fyrir sjúklingana gert. Kannski bara ágætt að fólk haldi það þar sem að Kompás yrði nú snöggur að gera sér fréttamat úr því að starfsfólk á kleppi gerði ekki annað en að baka fyrir mig í vinnutímanum.

Annars er nú ekki mikið að gerast þessa helgina hjá mér. Er orðinn eikkað óggu ponsu veikur en læt það ekki stöðva mig í að koma í vinnunna... í bili allavega. En ef ég verð veikur og kemst ekki í vinnunna verður neyðarástand á kleppi vegna þess að þá þarf að senda starfsfólk af deildinni heim til mín til að sinna mér og jafnvel baka fyrir mig. Þannig að við skulum vona að ég verði ekki veikur. allavega, þá er ekkert nýtt að frétta og ég er ennþá jafn frábær þannig að bara bless!

Gærkvöldið...

2007-02-18T17:39:00.000Z

Fór á þvílíkt skemmtilegt djamm í gærkvöldi og eru afleiðingarnar alveg skelfilegar.... Þynnka og tilheyrandi. Kíkti í grímubúningapartí í gær, sem var ekki aldeilis amalegt, umkringdur af fögrum fljóðum í efnislitlum búningum og playboy kanínu í kjöltunni. Svona ættu sko allir dagar að vera.
Svo fór ég niður í bæ á sólon og vá hvað það er langt síðan ég hef farið á djammið þangað, þetta var alger snilld, þetta var eins og að fara í tímavél. Dæja, Dagó, Dagný og Andrea, Takk fyrir geggjað djamm. Svo þegar ég var alveg að klárast ákvað ég að fara að kíkja og þá rakst ég á Inga sævar með kærustunni sinni. Og af því að þeim finnst ég svo frábær varð ég bara að kíkja með þeim á Glauminn. En semsagt niðurstöðurnar af kvöldinu í gær voru þær að ÉG er bara pottþétt frábær, það hlýtur að vera satt og rétta þegar fullt af fallegum fljóðum í efnislitlum búningum fullyrða það.
Þá vitið þið það, bæbæ

Valentínusardagur og Grímuböll

2007-02-15T16:23:00.000Z

Komst að því í gær að kvenfólk landsins virðist vera álíka feimið við mig og það er ástfangið af mér. Því engin fékk ég blómin. Og ef ég hefði ekki haft Andreu og Dagmar stuðboltastelpur til að daðra við á MSN hefði þessi misheppnaði Valentínusardagur verið ennþá verri.

Svo kom upp úr krafsinu að ég mun hugsanlega (ef veður og papparazzar leyfa) kíkja á smá djamm á laugardaginn. Andrea Stuðbolti&Co Eru nefnilega með grímuball. Og þá er nú aldrei að vita nema ég bregði undir mig betri fætinum. Reyndar vorum við Andrea eitthvað að velta því fyrir okkur hvernig búninga væri best að fara í, en svo komumst við að því að það er alger synd að hylja guðdómlega fegurð okkar og vorum jafnvel að hugsa um að mæta sem FULLKOMNA PARIÐ!

En það er ekki víst þar sem að við gætum hreint og beint eyðilagt fjölda sambanda hjá fólki sem myndi sjá okkur. Þar sem að fólki þætti það augljóslega vera í ömurlegu sambandi við hliðina hjá okkur "FULLKOMNA PARINU".

En nú finnst mér ég vera búinn að halda frábærleikanum í mér niðri í allt of langan tíma til þess að láta ekki aðra fá minnimáttarkennd þannig að það er kominn tími til að ég sýni mitt rétta andlit, sem er bara fallegt.... Ef einhverjum á eftir að líða illa eða fá minnimáttarkennd útaf því, þá bara "so be it", ég er hættur að draga mig í skelina fyrir ljóta fólkið.

Eftirlýstur!!!

2007-02-12T22:05:00.000Z

Rak augun á grein á mbl.is á áðan. Þar var verið að lýsa eftir 16 ára stúlku sem hafði alveg óvart í einhverju táninga-angistarkasti stolið BMW foreldra sinna og var búin að vera týnd í 2 daga. Allt gott og blessað með það. En greyið stúlkukindin, lýsingin var ekki góð, sögð ÞÉTTVAXIN og myndin alveg hræðileg.

Fór að pæla, ef ég myndi týnast, hvernig yrði lýsingin á mér?
Ég held að hún yrði einhvernveginn svona:

"26 ára karlmaður (ungur í hjarta) týndist á djamminu síðastliðna helgi. Drengurinn sem heitir (þið vitið hvað ég heiti), er einstaklega fallegt eintak af aría kynstofni og getur látið hvaða fatnað sem er líta vel út. Hann er 177 fallegir cm. á hæð og "þéttvöðvaður" ( ég viðurkenni það aldrei að ég sé þéttvaxinn). Hárið er með því fallegasta sem um getur þó víða væri leitað og augun óvenju skörp og greindarleg. Nefið gefur til kynna einstakan kynþpkka og af munninum að dæma virðist þessi ungur maður vera víðlesinn og geta gefið af sér virkilega gáfulegar setningar."

Svo yrði sýnd mynd af mér þar sem ég lægi nakinn á lambagæru.

Allavega ef ég týnist á djamminu einhverntímann á næstunni þá þurfið þið að sjá til þess að það sé rétt lýst eftir mér. Þetta er bara nokkrir punktar og þið megið að sjálfsögðu koma með fleiri hrósyrði.

Takk fyrir

Starfsmannaviðtalið.....

2007-02-01T17:30:00.000Z

Fékk þann heiður í gær að fá að tala við Deildarstjórann í alveg 40 mínútur í gær.
Ástæðan, STARFMANNAVIÐTAL. Ég veit hvað þið eruð að hugsa, þið eruð að hugsa, hvað gerðiru af þér Gunni? Gekkstu of langt Gunni?
En NEI, ég gerði ekkert af mér, þetta var bara árlegt starfsmannaviðtal þar sem málin eru rædd á jafningagrundvelli (samkv. Yfirstjórninni) . Það kom ekkert nýtt fram, Ég er simply the best :p (mín orð allavega). Og svo kom eitt óvænt hrós, eitthvað sem ég hefði aldrei trúað, ég er semsagt alveg rosalega stundvís. Þar hafið þið það. Ef gamli yfirmaðurinn minn hjá húsasmiðjunni myndi sjá þetta myndi hann pottþétt fá heilablóðfall. Ég var líka hissa. En stundvísi er víst stór hluti af því að vera jafn frábær og ég er þannig að ég tók þessu af miklu æðruleysi.

Var að vinna í gærkvöldi og af því að ég er svo frábær (eins og áður hefur komið fram) tók ég að mér að leysa af á næturvakt líka. Ég ætla ekki að hafa mörg orð um það, en tungfyllingin var 99%, semsagt næstum fullt tungl.

Allavega ekkert merkilegt að gerast. þannig að bless bless :)

Betri heilsa...

2007-01-25T17:20:00.000Z

Jæja, gleðifréttir. Þynnkan sem brast á fyrir rösklega tveimur vikum er nú örugglega ábyggilega pottþétt horfin á braut.
Hún var nú reyndar ábyggilega horfin strax kvöldið eftir kvöldið sem nú er betur þekkt sem gleðikvöldið mikla, en ég vildi vera alveg 150% viss áður en ég færi að koma með einhverjar yfirlýsingar þar að lútandi.

Á laugardaginn átti að verða keilumót deilda innan geðsviðsins en því var frestað, reyndar hafði einhver óprúttinn aðili (deildarstjórinn) skráð mig í lið deildar 12, greinilega óafvitandi um það að ég er álíka lélegur í keilu og ég er í fótbolta.

Ég hef reyndar ekki farið í keilu í 13 ár, eða alveg síðan ég rann á rassgatið á einni keilubrautinni í 8 bekk. Það var reyndar sorglegt að það skyldi gerast, því að sjaldan á ævinni hef ég verið jafn einbeittur og þá. Það má segja að einbeitnin eyðilagðist alveg þá. Líklega einhver titringur sem hefur leitt frá rassinum við fallið og alveg upp í heila.

En allavega þessu móti var frestað til betri tíma. Og núna er ég bara búinn að vera á kafi undir húddinu á bílnum mínum að reyna að hlaða rafgeyminn. Jú, það er rétt, helvítis bíllinn tók upp á því að verða rafmagnslaus. Sem er ekki gott því ég er álíka vel staddur í bílastússi og í fótboltastússi, semsagt mjög lélegur. En núna er bara að vona að bídruslan hlaði sig.

En hvað um það, ég hef ekkert meira að segja þannig að bless bless!

ÚFF!

2007-01-14T14:09:00.000Z

Suð fyrir eyrum

Höfuðverkur

Finnst eins og ég gangi í blýskóm (svona eins og kafarar notuðu fyrir 100 árum)

Flökurt en samt ekki flökurt...

Það er rétt, ég var alltof fulli kallinn í gær og núna fæ ég að þjást fyrir það!

Og þó maður muni ekki alveg allt og muni annað sem maður vill ekki muna þá var þetta bara helvíti gaman.....

Not much happening!

2007-01-13T01:32:00.000Z

Halló hæ!

Gleðilegt ár þið fáeinu hræður sem villist inn á síðuna mína ;)
Það er ekki mikið búið að gerast hjá mér það sem af er ári, en það verður bætt úr því á morgun með smá vinnudjammi.
Ég eyddi áramótunum heima hjá Jóni Þóri og Gyðu í aldeilis góðum félagsskap og ég verð að segja að það er orðið ansi langt síðan marr hefur orðið eins valtur á fótunum, en ég skemmti mér vel og það var aðal málið. Eyddi nokkrum dögum í vikunni veikur heima, verð kannski að drekka aðeins meira áfengi til hjálpa líkamanum að drepa sýkla, held það allavega, og stefni á að drepa alveg tvo þrjá sýkla á morgun.

Annars er það helst í fréttum að ég bíð spenntur eftir því að byrgis-málið svokallaða hverfi úr fjölmiðlum þannig að ég geti (svo lítið beri á) opnað mína eigin meðferðarstofnun, þar sem eins og áður segir verður boðið upp á meðferð fyrir örvinglaðar stúlkur, og bráðum mun ég hringja í alla karlkyns vini mína til að bjóða þeim starf. Vinkonur mína þurfa engar áhyggjur að hafa af því að ég sé búinn að gleyma þeim, því þær geta komið í meðferð til mín.....
En hvað um það, ekkert merkilegt að frétta þannig að hafið það bara gott, bæbæ!

2006 er að deyja

2006-12-31T16:51:00.000Z

Jæja, sæl veriði, núna er seinasti dagur ársins og ekki úr vegi að líta yfir árið sem hverfur nú á braut gamalla ára eins og laufblað í tímavél vindsins.....

Nei, eruði eikkað klikkuð, sénsinn að ég myndi fara að skrifa svona kjaftæði. Núna er enn eitt helvítis árið liðið, og bara fínt helvítis ár ef eikkað er. Keypti mér íbúð i vor og allt voðalega frábært. Draumaparið gifti sig og ég fékk að leiða brúðina upp að altarinu, og svona hefur þetta ár verið, alger draumur í dós.

Nema þá helst kannski að Saddam góðvinur minn Hússeinsson dó í fyrrinótt. Hann var eikkað að æfa sig með áramótabindishnúta og hengdi sig svo óvart í kjölfarið, Myrkar raddir vilja reyndar meina að sést hafi til Georgs Runnasonar Sértrúarleiðtoga sem og þjóðarleiðtoga á svæðinu....

Gamlárskvöldi ætla ég að eyða á Kleppi í góðum félagsskap sjúklinga og starfsfólks. Ef þið eruð ekki viss um hvorum hópnum ég tilheyri með þið fara í rassgat.... :p

En hvað um það ég ætla bara að óska öllum gleðilegs árs og þakka fyrir allt það liðna :D

Ps. vonandi hitti ég sem flesta illa blekaða í kvöld ;)

Byrgið

2006-12-22T01:21:00.000Z

Nú er allt að verða vitlaust í þjóðfélaginu vegna Guðmundar í Byrginu.

Kallinn bara búinn að vera negla gellur hægri vinstri og gefa þeim gjafir á kostnað skattborgara. Ótrúlegt hvað hann hefur komist upp með þetta lengi samt.

Ég var eitthvað að hugsa um þetta í dag og þá laust þessari spurningu í kollinn á mér! AF HVERJU VAR ÉG EKKI BÚINN AÐ FATTA ÞETTA!!!

Ég hefði getað verið búinn að stofna svona meðferðarstofnun fyrir löngu síðan sem væri hugsuð sem meðferðarstofnun fyrir ungar örvilnaðar konur og síðast en ekki síst FALLEGAR konur á aldrinum 19 - 30 ára.

Svo fengi ég 200 millur í styrk frá ríkinu og gæti lifað eins og kóngur í einhverju mansjóni sem ríkið hefði líka keypt undir mig.

Ég myndi náttúrulega bjóða öllum vinum mínum starf á "meðferðarheimilinu".

Og Þá er nú eins gott að fá eins og eitt stk landlækni til að kíkja reglulega við og ath. með kynsjúkdómastatusinn.

En nú er Guðmundur í byrginu alveg búinn að skemma fyrir öllum svona sniðugum hugmyndum þannig að þetta á aldrei eftir að ná lengra í bili allavega.

En hvað um það. Ef ég skyldi halda áfram að vera svona latur við bloggið fyrir jólin, vil ég bara bjóða öllum Gleðilegra jóla :)

Nú hlæja bindindismenn....

2006-12-01T00:26:00.000Z

Haldiði að það sé, maður hélt að ríkisstjórnin væri loksins farin að hugsa um öreigana með því að lækka vaskinn á matvörum, en nei, núna á að rukka okkur ennþá meira fyrir vinsælasta vímuefni landans, nú skal hækka verð á áfengi, jafnvel um heil 23%!!! Eins og tilveran sé ekki nógu ömurleg stundum á þessu landi í skammdeginu. Á þá í ofanálag að setja mann á hausinn við að reyna að gleyma þessari ömurlegu tilveru með ofneyslu áfengis. Það endar með því að það verður ódýrara að sprauta sig með contalgini en að fá sér bjór með matnum. Ætla samt ekki að mæla með því!

Núna verður landinn að finna aðrar aðferðir til að reyna að gleyma stað og stund, ég ætla að prófa þykjustufyllerí. Endilega ef einhver er með góðar uppástungur látið mig vita!

Heilsuátak og vorfílingur......

2006-11-29T00:39:00.000Z

Halló Hæ allir saman, Það er ekki mikið að frétta, en samt eitthvað, nú um daginn var heilsuátaki startað í vinnunni og öllu crew-inu splittað upp í 3 hópa. Það væri ekki í frásögur færandi nema kannski vegna þess að ég var gerður að HÓPSTJÓRA í mínum hóp. Ég á erfitt með að ímynda mér hvaða hvatir liggja að baki því að gera mig að hópstjóra.

En hvað um það, í dag voru allir í vinnunni mældir hátt og lágt og fituprósentan mæld. Og þvílíkur léttir, ég er búinn að léttast um tvö og hálft kg. á 2 mánuðum og Fituprósentan var miklu minni en ég hélt að hún væri. Og ég er ekki einu sinni byrjaður að hreyfa mig að neitt að ráði. Það er ekki nóg með að maður er fallegur að utan sem innan, heldur er marr líka massi. Þar hafiði það!

Svo var ég að lesa fréttir á MBL.IS á áðan og ég get svo svarið það að vorið er að koma, allavega var einhverjum gæja svo heitt í dag að hann beraði kynfæri sín fyrir framan 17 ára skólastúlku í laugardalnum í dag, stúlkan sem vóg aðeins 45 kg. með skólatösku brást alveg kolvitlaust við og í staðinn fyrir að bjóða manninum sólarvörn hringdi hún á lögregluna. Þessi viðleitni mannsins til að fá smá brúnku á kynfærin endaði því þannig að lögreglan leitar hans nú fyrir ósiðlegt athæfi. Svona verða misskilningarnir til. Kannski að hægt sé að fá Baugsfeðga til að splæsa í ljósakort fyrir manngreyið til þess að hann þurfi nú ekki hrella fleiri ungar stúlkur svona alveg óvart.

Hetjan í snjónum

2006-11-19T11:19:00.001Z

Ég er alltaf að gera mér meiri og meiri grein fyrir því hvað ég er mikil hetja. Ég var á kvöldvakt í gær og svo þurfti ég að vakna klukkan hálfátta í morgun til að fara í vinnuna.

En það vildi ekki betur til en að mér alveg að óvörum var bara ALLT á kafi í snjó, og þar á meðal ástkær sjálfrennireiðin mín!

En ég hef nú aldrei látið smá skafrenning stöðva mig og eftir að vera búinn að sópa af bílnum með kúst lagði ég í hann.... þessa 2 metra sem ég komst, þá var ég alveg pikk, ekki bara alveg pikkfastur, heldur pikkfastur á miðri götunni.

Ég var byrjaður að örvænta þegar ég sá mann birtast út úr myrkrinu. Ég hélt allt eins að þerna væri dauðinn kominn að sækja mig og ég ákvað bara að vera samvinnufús og skrúfaði niður rúðuna. Þá sagði dauðinn; "Þú þurfa nýtt gúmmí undir bíl".

Þá var þetta ekki dauðinn eftir allt saman, heldur bara hjálpsamur pólverji, og hann hjálpaði mér að ýta bílnum í stæði.

Og svo er maður að heyra fólk tala illa um pólverja, aldrei hef ég tekið undir það og mun aldrei gera það, ef þessi pólverji hefði ekki komið mér til bjargar hefði ég eflaust getað opnað "Club Heaven" með pompi og prakt. En ég slapp og endaði með því að taka taxa í boði vinnunnar!

Annars vil ég bara benda ykkur á að öllum er velkomið að koma með skóflur í keilufellið og moka bílinn minn út úr skaflinum sem hann er í. Þið megið meira að segja gera það frítt.

Takk fyrir

HALLÓ HÆ!!!

2006-10-22T10:12:00.000Z

Ekki mikið búið að gerast undanfarið.
Eva og Bjössi stungin af út, og skildu mig veikan eftir. Ég var búinn að vera að hjúkra þeim þegar þau voru veik og svo bara um leið og eikkað bjátar á hjá mér þá er maður bara skilinn eftir til að deyja eða eitthvað, Fékk meira að segja einhvað djammkveðju-sms frá þeim í gær þegar ég var farinn að sofa, svona, eins og til að reyna að ergja mig!!!

Ég kíkti á smá staffadjamm seinustu helgi til góðu sjúkraliða-konunnar. Það var eins og alltaf alveg ógeðslega gaman að djamma með þessu liði sem maður kallar vinnufélaga sína og mér tókst enn einu sinni að sanna mig sem mesta fíflið...

Annars er ég bara að vinna núna og verð að vinna til ellefu í kvöld. Ekki alveg að meika það en það verður einhver að vinna verkin hmmmm......

Sæl í bili

Smá könnun

2006-10-11T19:29:00.000Z

Stal þessari könnun af síðunni hennar Auðar. Allir saman nú taka þátt!!!

1. Hver ert þú?
2. Erum við vinir?
3. Hvenær hittumst við fyrst og hvernig?
4. Ertu hrifin/nn af mér?
5. Langar þig að kyssa mig?
6. Láttu mig hafa gælunafn og útskýrðu afhverju þú valdir það.
7. Lýstu mér í einu orði.
8. Hvernig leist þér á mig þegar þú sást mig fyrst?
9. Lýst þér ennþá þannig á mig?
10. Hvað minnir þig á mig?
11. Ef þú gætir gefið mér eitthvað hvað myndi það vera?
12. Hversu vel þekkiru mig?
13. Hvenær sástu mig síðast?
14. Hefur þig einhvern tímann langað til að segja mér eitthvað en ekki getað það?
15. Ætlaru að setja þetta á bloggið þitt svo ég geti skrifað um þig?

Og svara nú!

Henti henni út...

2006-09-28T18:03:00.000Z

Ég horfðist í augu við hana í gær.

Hún var svo lokkandi,

reyndar hálf yfirþyrmandi.

Ég sagði við sjálfan mig að ég gæti alveg lifað án hennar,

En það var eitthvað við hana sem gerði hana alveg ómótstæðilega.

Svo fékk ég nóg og henti helvítis snus-sprautunni

út um gluggann!

Batnandi mönnum er best að lifa.....

2006-09-25T19:41:00.000Z

Jæja, ég tók afdrifaríka ákvörðun kl 14.00 í dag.

Ég semsagt ákvað að hætta að nota snus, núna er ég semsagt dúðaður í nikótínplástra og tyggjandi nikótíntyggjó eins og ég eigi lífið að leysa. Samt er ég ekki frá því að ég sé að sigla inn í ólgusjó fráhvarfa. En núna verður bara tíminn að leiða það í ljós hvort ég geti staðið uppréttur án míns kæra snuss.

Nú væri gaman að vita hvað þið haldið að ég meiki þetta ástand lengi?

Dýravinir.....

2006-09-25T09:25:00.000Z

Var að horfa á Tv í gær og sá þá að það er byrjað að sýna nýja þætti í sjónvarpinu. Þeir heita því skemmtilega nafni "Dýravinir". Hljómar eins og einhverskonar dýraklám, en er það ekki. Þetta var ógeðslega leiðinlegur þáttur vægast sagt og ég er núna kominn með nýja kenningu um dauða Steve Irwin, hann hefur séð Pilot-þáttinn af dýravinum og ákeðið að fremja sjálfsmorð og stungið sig sjálfur á stingskötunni. Þetta gæti samt verið rangt hjá mér, en þetta hljómar trúverðugt rétt á meðan maður horfir á þennan þátt...

_______________________________________________________

-----------------------------------------------------------------------------------------------

Svo á laugardaginn var ég að reyna að horfa á sjónvarpið og þá var þessi líka "fína" mynd sem hét "Last race". "Last Race" er svona hálfgerð B-myndar útgáfa af "Fast and the furius" sem var hálfgerð B-mynd ef út í það er farið. Þvílíka ömurlega myndin. Morguninn eftir þegar ég átti að vakna í vinnunna langaði mig bara einfaldlega ekki til að vakna, ég er ekki frá því að sjónvarpið sé farið að skemma mig andlega, ekki vegna ofbeldisins epa kynlífsins, nei, það er vegna þess hversu lélegt sjónvarpsefni er orðið. COME ON, hvar er Matlock?

Supernova búið

2006-09-14T02:42:00.000Z

Jæja, þá er Supernova búið, Magni lenti í fjórða sætinu, eins og eflaust flestir hafa búist við og Lukas lenti í fyrsta, ef einhver var hissa á því að Lukas og Dilana enduðu í tveimur efstu sætunum má sá aðili endilega láta mig vita því sá hinn sami þarf nauðsynlega á hjálp að halda. Magni er strax kominn með samning. Hann skrifaði undir samning við mig í fyrrinótt. Hann mun sjá um að fylla upp í skemmtiatriði á Club Heaven þegar ég er upptekinn. Að launum fær hann endalausa vist í Club Heaven og jógúrtdós (100% hrein jógúrt sko).

Þið vitið leyniorðið til að komast inn á Club Heaven, nú er bara um að gera að muna það og ef minnið er gloppótt þá er bara að láta húðflúra það á sig.

Bless bless!

Jól og almennar barsmíðar!

2006-09-10T16:38:00.000Z

Já, það er nú ekki mikið að gerast þessa daganna skal ég ykkur segja, meira að segja er svo lítið að gerast að ég er bara dottinn í djúpa holu jólapælinga. Ég er búinn að ákveða að horfa á eins margar jólamyndir og ég get fyrir jólin og drekka ótæpilega mikið af heitu súkkulaði og og éta piparkökur eins og ég fái borgað fyrir það. Reyndar ætlum við í vinnunni að horfa á Home Alone rétt fyrir jól og hafa það gott saman.

Alveg frábært í fréttunum, eikker öryggisvörður stunginn á Select í nótt og starfsmaður laminn í augað. Þetta hefði sko ekki gerst ef ég væri að vinna þarna á næturvöktunum eins og ég gerði fyrir 7 árum síðan. Þá var sko ekki hægt að komast upp með neitt múður á Select skal ég ykkur segja. En það geta ekki allir verið eins frábærir og ég, þá væri lífið allt of tilbreytingalaust.

Er bara í vinnunni núna og er að hugsa um að fara að halda áfram að vinna. Bara eitt að lokum, látið starfsfólkið á Select vera, það er á nógu lélegum launum þó það þurfi ekki að eyða þeim í ferð á slysó!!!

Öldin okkar, flugslys og ekki neitt

2006-09-07T17:26:00.000Z

Jæja, er búinn að vera að glugga í öldina okkar undanfarið, ýmislegt merkilegt búið að gerast á þessari litlu eyju seinustu 100 árin eða svo. Rak samt augun í eina greinina sem er úr einhverju fínu blaði gefnu út það herrans ár 1937, og fyrirsögnin er ekkert smá fín eða "Friðarræða Hitlers" og svo er auglýst að búið sé að gefa út friðarræðu Hitlers á hhljómplötu og talað um hvað hann sé nú mikill og merkilegur maður. Hvernig ætli gæjanum sem skrifaði þessa grein hafi liðið 2 árum seinna hehe...

Á morgun ætlar listakona deildar 12 hún Elín að fljúga til Hafnar, En Elín er náttúrulega doldið flughrædd þannig að ég er búinn að lofa henni að redda Bubba til að syngja í jarðarförinni hennar ef eitthvað fer úrskeiðis... Ef einhver hefur Bubba í rassvasanum látið mig vita! En ég benti nú Elínú á henni til huggunar að flugslys eru mjög fátíð og ef eitthvað gerðist á annað borð deyja flestir við höggið þegar flugvélin hrapar, annars deyr fólk venjulega úr reykeitrun eða brennur lifandi. En við hugsum bara jákvætt. Og ef allt fer á versta veg á hún frátekið pláss inni á CLub Heaven.

Annars bið ég ykkur bara vel að lifa, veriði sæl

Alveg er það einkennilegt....

2006-08-31T01:35:00.000Z

Alveg er það einkennilegt hvað ég er skrýtinn á margan hátt.

Ég er til dæmis með mjög skrýtið skopskyn..

Skopskyn sem sumir myndu eflaust verða smeykir við!

Til dæmis þegar ég er að horfa á hryllingsmyndir og það er verið að búta einhvern niður þá ætla ég oft að deyja úr hlátri og eins ef einhver segir mér slæmar fréttir virðist ég hafa þörf til að hlæja óstjórnlega. Svo þarf ég alltaf að hlæja á óviðeigandi stöðum eins og í kirkjum. Besta ráðið til að ég fari ekki að hlæja eða brosa er að beina að mér myndavél, þá er mér ekki hlátur í hug og lít oftast út eins og alvarlegasti mafíósi í heimi... Nema það að ég er ekki mafíósi, ég vinn á Kleppi..

Kannski er ég slightly geðveikur.

Held það samt ekki, það er engin saga um geðveiki í fjölskyldunni minni (allavega ekkert sem hefur komist upp) og mér hefði væntanlega ekki verið hleypt heim úr vinnunni fyrsta vinnudaginn minn á kleppi ef ég væri geðveikur.

Kannski verð ég bara að sætta mig við það að vera bara ÖRLÍTIÐ skrítnari en gengur og gerist. Ég ætla allavega ekki að treysta á Guðshjálp. Vorum að spjalla um það í vinnunni um daginn hvað marr myndi nú gera ef marr myndi bara allt í einu deyja eins og hitti svo allt í einu Guð eða Lykla Pétur, það væri vægast sagt ekki gott mál þar sem ég er alveg hryllilega ótrúaður, þökk sé vísindamönnum.

Ég held ég myndi aldrei fá inngöngu í himnaríki og ekki ætla ég til Helvítis sama hvað hver segir. Þannig að ég ætla að stofna minn eigin klúbb mitt á milli helvítis og Himnaríkis (nema það sé laust pláss á hæðinni fyrir ofan Himnaríki).

Og sá sælustaður á eftir að koma til með að heita CluB HeaveN.

Þar er ég búinn að bjóða nokkrum vinnufélögum mínum að koma eftir dauðann ef þeir fá ekki pláss í himnaríki og ÞÚ mátt líka koma. Lykilorðið verður "gunni er gorgeous". Það þarf engin að hafa verið stilltur í þessu lífi. Þvert á móti.

Jæja, ætla að fara að finna dyravörð fyrir Club Heaven, það verður að vera eikker húsbóndahollur.

Veriði sæl að sinni!

Brúðkaupsstress o.fl.

2006-08-12T05:17:00.000Z

Jæja, Eva og Bjössi (mamma og pabbi eins og sumir þekkja þetta fólk) giftu sig loksins 22 júlí. Ekkert nema allt frábært um það að segja og ég er óendanlega stoltur af þeim fyrir vikið. Ég hef reyndar sjaldan fengið að upplifa annan eins heiður eins og þá, þar sem ég fékk að leiða Evu upp að altarinu. Reyndar hef ég heldur sjaldan verið eins stressaður eins og þá, en þegar mér hafði tekist að koma Evu áfallalaust upp á altarið minnkaði stressið til muna, enda hafði ég ímyndað mér allt hið versta. Alveg týpiskt fyrir mig að ná að fella brúðina á leiðinni að altarinu eða eitthvað álíka. En allt tókst vel og ekkert nema gott um það að segja.

Svo kom að veislunni og ég hafði hugsað mér að halda ræðu, en ég er svona frekar feiminn og ég vissi ekkert hvað ég átti að segja þannig að ég hætti við... En sumir voru ekki alveg sammála, og það endaði með því að Bjössi veislustjóri tilkynnti fyrir framan alla að ég ætlaði að halda ræðu!!! Ég sá þann kost vænstan að láta sem ekkert væri og hélt ræðu, ég man reyndar varla neitt sem ég sagði, en þessi ræða var víst ræða kvöldsins samkvæmt nokkrum gestum, reyndar var þetta víst eins og hálfgert standup og skemmti fólk sér víst ágætlega yfir þessu rugli í mér.

Annars er nú ekki mikið búið að vera í gangi hjá mér. Átti ammli á miðvikudaginn og hélt upp á það með því að hella í mig bjór yfir Rockstar með Stjána og Hauki. Verð að viðurkenna að ég er bara nokkuð stoltur yfir honum Magna, hef aldrei fílað hann með "Á móti sól", en hann er alveg að meika það feitt í "Rockstar".

Annars er bara ekkert sem ég vil tjá mig um nema ég er bara orðinn gamall kall, veriði sæl í bili !

Sumarfrí og Steggjun

2006-07-15T01:27:00.000Z

Þá er loksins komið að sumarfríinu mínu og ég byrjaði það að sjálfsögðu með því að fá eikkerja helvítis flensu. Það er hvergi nema á Íslandi sem að fólk fær flensu í FOKKINGS JÚLÍ!!!

Fór í partí til Óskars vinar míns fyrir 3 helgum síðan, svosem ekki í frásögur færandi nema að þetta var kvöldið eftir jónsmessunótt, og auðvitað þurfti Óskar kallinn að ruglast á dögum og endaði út í garði alveg buttnaked þangað til að nágrannar sem fyrir "slysni" voru staddir úti á svölum spurðu hann hvort að hann væri nakinn útaf jónsmessunóttinni, hann jánkaði því og þá bentu þessir hjálpsömu nágrannar honum á að jónsmessunóttin hefði verið nóttina á undan.

Þannig endaði nú nektarsýningin það kvöldið.

Helgina eftir þetta litla ævintýri ákváðum við strákarnir, þ.e. ég, Hauksi bróðir, Bjössi (kenndur við baywatch) og Jón Þórir að steggja Bjössa.

Við mættum til Bjössa kl 08.00 á laugardagsmorgninum og létum hann klæða sig upp í spítalafatnað og þröngar svart og grænröndóttar sokkabuxur og fórum með hann í rafting. Bjössi Baywatch öðlaðist akkúrat þetta "baywatch" nickname eftir þessa háskaför, enda hef ég aldrei áður séð mann takast að næstum því drukkna í björgunarvesti. En áin tók ekki hann Bjössa baywatch okkar í þetta skiptið.

Svo var farið með Bjössa í paintball, en hann fékk sko ekki að snerta neinar paintballbyssur, hann fékk bara kanínubúning og við strákarnir fengum að skjóta á hann... Greyið hann Bjössi hefur víst verið eikkað aumur í bakinu eftir þetta..

Svo var haldið í Go-kart og svo var bara haldið áfram að djamma og djúsa fram á morgun.

Svikamyllan gegnur áfram

2006-06-23T17:03:00.000Z

Fékk loksins svarbréf frá Nígerísku peningasvindlurunum:

"My Dear,

Thanks for your response.
Compliment of the day how are you and your family we thank God for helping us to be alive today, I diligently seeking your assistance in order for you to come down here to assist me in retrieving the consignment Out from the security company here in Cote d’ Ivoire. And for me to come over there and start a new life, in order to finish my education to the level I wanted. for your demand to take 25% from the money I think the 15% I have made up my mind to give you for your assistance is very ok and pls note that you are the one to assist me in investing this money because as soon as I come over to you there I will like to complete my education very important to me.

Introduction of myself, I am Natasha Daniella from Cote d' Ivoire west Africa,20 years of age I lost my Mother earlier when I was little and my beloved Daddy refused to take another wife because he care for me so much. I really thank God that I have come of a little age before my father died if not what will I do.

Furthermore, I am now residing far away from our resident because of my late father's relatives, they want to deal with me at all cost but my God will not allow them to see me till this consignment that contains this money and myself is out from this country to where I'll be taken as I am.Please,on my contact, I know that what I am asking from you may be too much, but please you have to help me out in all way round to enable me start off a new life. pls note that the security company are not aware that the consignment contains money my father deposited it as a family belongings so its only you and I knows the real contents of the consignment.

As soon as I receive your next mail I will send you the deposit certificate and the agreement issured by the security company to my father at the time of deposit.

Finally, I wish to stop here, hoping that I have clearify you on this transaction the way you will understand why I contacted you for an assistance, I pray that God will be with us bye and hoping to read from you soon.

Thanks and God bless you.

Ms Natasha Daniella "

Sendi strax meðfylgjandi svar á móti:

"Hello, I've talked to my Lawyers, Benjamin Matlock and Denny Crane and they want some insurance that I will receive the money you promise.
But on the other hand I'm single and who knows, maybe we can have a romantic date one day, would like that Dear Natasha?

With Love from yours truly."

Tekið vel í boð nígeríusvindlaranna

2006-06-22T17:00:00.000Z

Jæja, ákvað að spila aðeins með þessa svindlara sem eru að reyna að fokka í mér, sendi þeim meðfylgjandi email ;)

"HELLO from Iceland, what is it you need. If you need money I got tons of it, as a matter of fact I'm filthy rich myself. My father is the biggest farmer in Iceland and he owns about 3000 sheeps, 1400 cows and millions and millions of chicken. I own a computercompany and will soon take over the Icelandic and the danish computermarket (With Gods help of course). My Mom is a co-owner of a lipstick factory in Denmark. If you need my help I want at least 25% of the total sum!

Best wishes"

Læt ykkur vita ef ég fæ svar.

Nígerískir peningasvindlarar að reyna að fokka í mér!!!

2006-06-22T16:48:00.000Z

Fékk þetta bréf í E-maili á áðan, ótrúlegt hvað sumir Afríkumenn reyna til að ná í pening!

"From NatashaDearest

OneI am writting this letter with due respect and heartful of tears since we have not known or met ourselves previously. I am asking for your assistance to lead me to the right channel towards to be out of the critical situation i am now I got your contact from a computerize data and pray for God to give me a trust wordy person who can allow and lead me to the right channel . I will make my proposal well known if I am given the opportunity.I am introducing my self as Ms. Natasha Daniella , the only Dauther of late Chief and Mrs Desmond Yana Andani , I wish to request for your assistance in a financial assistance. , And I wish to invest in Manufacturing and real estate management in your country. E.t.cI have sixteen Million Five hundred thousand united states dollars.USD($16.500,000) to invest in your country, and I will require your assistance in clearing the consignment Out from security company here in Cote Di Voire ( Ivory Coast ) / west africa, I will be gladly to give you 15% out of the total sum of the money for your kind assistance.please you can contact me direct to my Email Adress for more Information ( natasha_dane1100@yahoo.com )Awaiting your immediate response Thanks and God bless.

Best Regards Natasha

Halda þessir menn að ég sé fífl?!?!?

Fordómar

2006-06-22T01:39:00.000Z

Ég lendi oft í fordómum

Ég er ekki litaður...

...og ekki heldur hinseginn

Ég er skrýtinn!!!

Já, það er ekki gott að vera skrýtinn á Íslandi.

Sumstaðar er bara eðlilegt að vera skrýtinn eins og í London og New York.

Þar er fólk með ullarvettlinga á hausnum og með sundskýlur á fótunum og það þykir bara vera KÖLT.

En kommon, ef ég er skrýtinn af hverju fékk ég þá vinnu á kleppi og af hverju er ekki búið að loka mig þar inni. Getur verið að allir hinir séu bara skrýtnir.

Ég held það bara.

Towtruck Gunni

2006-06-21T13:23:00.000Z

Langt síðan marr hefur bloggað, hef ekki fundið andagiftina og er reyndar ekki ennþá búinn að finna hana, verð bara að blogga eikkað smá. Síminn minn nam neyðarkall frá Mömmu og pabba (aka Evu og Bjössa) í gær, bílinn þeirra dó hetjulegum dauðdaga á Sæbrautinni þannig að ég þurfti að redda spotta og kraftmiklum bíl, og hvaða bíll er kraftmeiri en Toyotan mín. Jæja, dró bílinn þeirra heim til þeirra og svo var bara slappað af yfir TV.

Svo er fríhelgi um helgina og þá verður eikkað smá djúsað. Fer í útskriftarveislu hjá konu frænda míns, hún útskrifast sem lyfjafræðingur, ætli það verði ekki lyfjablöndur og kokkteilar í boði þar þannig að ég verð temmilega ruglaður þegar ég fer svo til hans Óskars vinar míns í smá reuninon okkar tveggja og allra fjarðarkaupsstelpnanna sem við kynntumst á húsasmiðjuárunum mínum. Það verður fróðlegt, en það verður ekki gáfuleg sjón að sjá okkur Óskar fulla. En við þurfum ekkert að vera gáfaðir, við höfum útlitið....

Og eitt enn, í seinsustu viku kom Hagkaupsblaðið inn um lúguna heima og ég leitaði og leitaði en engar kvenmannsnærfata auglýsingar, Hvurslags er þetta? Hagkaup is going down!!!

Takk förer og veriði sæl !

Íbúðarkaup og hættulegur hnífaleikur

2006-05-21T23:41:00.000Z

Loksins loksins búinn að kaupa mér litla íbúð!!! Flyt samt ekki inn í hana fyrr en eftir ár, en þangað til ætla aldraðir foreldar mínir að taka við mér aftur. Ég veit að mamma getur ekki beðið eftir að þvo af mér fötin... og ég líka ;) Þungum bagga létt af mér þar. Allavega, fann litla stúdíó íbúð í fossvoginum og ótrúlegt en satt, þá fór ég bara í eikkerja lánastofnun (hvað sem það nú er) og fékk bara fullt af pening, rétt sisona til að kaupa íbúðina. Ég vorkenni fíflinu sem þarf að borga þetta!!!

Á fimmtudagskvöldið fór ég til Evu og Bjössa í eurovisionmatarboð og gláp, þetta byrjaði allt í rólegheitum en það átti eftir að breytast eftir því sem að leið á kvöldið, Eva fékk sér smá rauðvín og bjór með matnum og yfir keppninni og í ljós kom að Sylvía Nótt hefði ekki komist áfram hefði ég átt að geta sagt sjálfum mér að forða mér út. En ég var ekki alveg svo klár, heldur þurfti ég að ögra Evu með því að gefa henni gult rör til að drekka bjórinn sinn með en ekki bleikt, það voru stór mistök, Bjössi hafði rétt áður kallað hana "miss pinky", en þegar þarna var komið við sögu hafði Eva innbyrt mikið magn áfengis og misheyrði það sem hann sagði og heyrðist hann segja "Miss Piggy". Allt er þegar þrennt er segir einhversstaðar, og núna var Sylvía búin að tapa, Bjössi búinn að kalla hana miss piggy og ég gefa henni gult rör. Þetta var meira en mín kæra Eva þoldi, það sprakk allt í loft upp og það sem byrjaði á saklausu kexkasti varð að hættulegum leik með hníf, ég bókstaflega sá myndbrot úr lífi mínu renna fram hjá. En þetta fór betur en á horfðist og allir sluppu án meiðsla.

En annars er nú ekkert nema gott að frétta þannig að BLESS!!!

Halló hæ!!!

2006-05-05T13:59:00.000Z

Betty Ford

Jæja, byrjaði "loksins" í skólanum aftur í gær og nú er það sálfræðin. Komst að því að kennarinn hefur kennt mér áður í FB þar sem ég féll með miklum tilþrifum á lokasekúndum spennandi lokaprófs, en það mun ekki gerast aftur, þökk sé læknavísindum og spilltum lyfjafyrirtækjum hehe...

Svo er maður búinn að þurfa að hugsa um aldraða foreldra sína (E&B) en heilsa þeirra og þá sérstaklega móður minnar eftir síðustu helgi hefur ekki verið upp á marga fiska. "Sue Ellen has finally found a match". Spurning hvort að marr eigi að kippa í nokkra spotta og tala við vini sína hjá Betty Ford ;p

Annars er marr bara búinn að vera að vinna og verð víst að vinna um helgina við að halda uppi skemmtiatriðum á Kleppi, sem er bara gott mál.

Gíraffar

2006-05-03T13:12:00.000Z

Var að pæla, manni var kennt það í skóla að engir tveir blettir á gíröffum væru eins, en hver athugaði alla gíraffana og hver borgaði fyrir það?

Ný bloggsíða

2006-05-03T13:06:00.000Z

HATA FOLK.IS Fór inn á gömlu síðuna á áðan og síðan leit bara út eins og þegar ég skildi við hana fyrir hálfu ári síðan eða eikkað. Ekki sáttur. Þannig að ég fór grátandi inn á www.blogspot.com og opnaði þessa nýju síðu www.gunzenhauser.blogspot.com Kannski marr verði nú eikkað duglegri núna að blogga.